FeverOnline - Bekuxhel exhukwana ngelixa kuphethulwa isoyi lamanzi

Home Page

Fever News

Editorial Comments

Letters

Bekuxhel exhukwana ngelixa kuphethulwa isoyi lamanzi

0 votes

Ngokutsho kukaMeya wase-Alfred Nzo, uCeba Gcinikhaya Mpumza.

by Andile Moshoeshoe
12 March 2010

BEKULUVUYO nochulumanco kuluntu lwelali yaseTholamela eMatatiele ngelixa umasipala wesithili, i-Alfred Nzo ehlaba isoyi apho kuzakuthi kokhiwe khona iziko elizonikela ngamanzi elizoxabisa isixa mali esibalelwa ku-R2.9 million.
Oku kulandela ukunqongophala kwamanzi kula ndawo nanjengoko isikhululo esasinikezela ngamanzi kuluntu lwala ndawo esasibizwa nge-George Moshesh singasasebenzi. Le yenye yeendlela zikamasipala zokuvula indlela ukuze kutshintshwe imeko abantu abaphila phantsi kwazo nebezingaginyisi-mathe kwaphela zibengcono.
Bangaphezulu kwewaka namakhulu amahlanu abantu abazoxhamla kulenkqubo yokufakelwa kwamanzi maziko lawo kulindeleke ukuba athathe ixesha elide. Ukanti ibalelwa ku-R80 million imali esele ichithiwe ngumasipala we-Alfred Nzo kwiilali zaseMatatiele ezohlukeneyo nanjengoko lo masipala ubusanda kuvula ngokusesikweni esinye sezikhululo zamanzi esadla u-R65 million kwilali yaseFobane.
Ngokutsho kukaMeya wase-Alfred Nzo, uCeba Gcinikhaya Mpumza, iinjongo zabo ngeli phulo kukuqinisekisa ukuba abantu basezilalini abajongani neengxaki zamanzi nokuba bahambe amabanga amade ukufumana amanzi. “Sihlale phansi sahlalutya nalapho siye sagqiba kwelokuba sakhe izikhululo zamanzi ezinkulu nezizothi zinikezele ngamanzi kubantu abakumlinganiselo omkhulu ukuze sihlukane nokwakha izikhululo ezincinane eziye zithathe ixesha elifutshane zisebenza”.
Uphinde wathi oku nje kusesisiqalo kwaye kusekuncinane nanjengoko eso sikhululo sizookwakhiwa izigaba ngezigaba. “Injongo zethu kukuba esi sikhululo ibe sesona sikhulu nesizakuthi sinikezele ngamanzi kubo bonke abantu bale ndawo”. Uthe ngelixa sisakhiwa babalelwa kumawaka amathandathu (6000) abantu abazakufumana amathuba emisebenzi.
Uhambise wathi oku kusesisigaba sokuqala nanjengoko bebeke ecaleni imali ebalelwa ku R112 million yokujongana namanzi nje kuphela. Ucele abo bazakuthanda ukufakelwa iitephu zamanzi emizini yabo bangazenzeli koko banxibelelane nomasipala wabo ngenjongo zokuba kulandelwe imiqathango efaneleyo kuba ukuzenzela kuzodala iingxaki ezizochaphazela abantu bendawo bebonke.

Votes	Rate this story/report	Rating
0	1 2 3 4 5	None

	Abahlali ababenhambele owesoyi.
	Enlarge

no aditional files attached

Comment on this story/report

- Related stories / reports -

Inkondekazi ibhiyozele ukugqiba iminyaka eyi-99 iphila

KUBE luvuyo nochulumanco kwinkondekazi ebigqiba iminyaka engamashumi alithoba nethoba (99) yonke wazalwayo ngelixa esenzelwa igxikela yombhiyozo wosuku lokuzalwa libandla laseMthini (noku yintlanganisela yamabandla) kwilali yaseGomatana eMqanduli.


Comments: 0	0 votes	Read More >>

Iyaxhalabisa eyabantwana ababhalela emadolweni

SEZIQALILE iimviwo zokuphela konyaka zebanga leshumi yaye abanye abafundi kulindeleke ukuba baqale ezabo kungentsuku zatywala, kodwa ukubhalela emadolweni nokuhlala ematyeni kwabantwana ezikolweni bambi baphathe izitulo zabo emakhaya sele kuvuse inkxalabo kubazali nootitshala kulandela iphulo elithe layilwa lisebe lezemfundo eMpuma-Koloni lokuthatha izitulo needesika ezindala ziyokwenziwa ntsha.


Comments: 0	11 votes	Read More >>

IMatatiele ihambile! Amehlo athe ntsho eKokstad naseHarding

I-AFRICAN National Congress eMpuma Koloni ikwiphulo lokubuyisela umasipala waseGreater Kokstad, ongaphantsi kwengingqi iSisonke District Municipality nomasipala wase-Umuziwabantu, eHarding ongaphantsi kwengingqi UGU ngaphantsi kweMpuma Koloni.


Comments: 0	1 votes	Read More >>

Kuvulwe iziko lezempilo eCofimvaba

Kube luvuyo nemincili kuluntu lwaseMbulukwenza ku-Ward 13 kwidolophu yaseCofimvaba ngelixa kuvulwa ngokusesikweni iziko lezempilo kulandawo. Kanti bekukokuqala ukuba khona kweziko elikumila kunje kulammndla waseMbulukwenza.